Shymkenttegi kásiporynda zańbuzýshylyqtar anyqtalǵannan keıin spırt zaýytynyń basshysy quqyq qyzmetkerlerine para usynǵan. Ol ustaldy, - dep habarlaıdy Egemen.kz.
Otyrar.kz jazǵandaı, Shymkentte Ekonomıkalyq tergeý departamentiniń qyzmetkerleri jalǵan alkogol ónimin óndirip, satatyn astyrtyn sehty áshkerelegen. Olar jergilikti zaýytta óndirilgen alkogoldi shıkizat retinde paıdalanǵan.
Oqıǵa ornyna barǵan jedel top óreskel zańbuzýshylyqtardy anyqtaǵanymen, zaýyt qojaıyny isti jabý úshin qyzmetkerlerge 20 myń dollar jáne taǵy mıllıon teńge para usynǵan. Nátıjesinde astyrtyn sehty uıymdastyrýshylar zańsyz kásipkerlikpen aınalysty, al spırt zaýytynyń dırektory iri kólemde para berdi dep aıyptalyp otyr.
- Sotaldy tergeý barysynda Shymkent turǵyndary jalǵan alkogol ónimin odan ári óndirý úshin zaýyttan alkogol satyp alǵany anyqtaldy. Osyǵan baılanysty tergeý organy spırt zaýytynyń qyzmetine tekserý júrgizdi, onyń barysynda esepke alynbaǵan spırt óndirý boıynsha zańsyz kásipkerlik qyzmetti júzege asyrý deregi anyqtaldy. Sonymen qatar, mereke jáne demalys kúnderi esepke alynbaǵan spırtti zańsyz jóneltýdiń mán-jaıy anyqtaldy, bul "etıl spırtin saqtaý jáne ótkizý erejesin" buzýǵa ákep soqtyrdy, - dedi Shymkent prokýratýrasynyń birinshi bólimi bastyǵynyń orynbasary Baýyrjan Karmanov.