Atyraý oblysyndaǵy sý tasqyny kezinde Saraıshyq aýylynda 13,6 shaqyrym bóget soǵyldy. Osy istiń nátıjesinde arheologııalyq qazba oryndary sý shaıýdan aman qaldy, dep jazady Egemen.kz.
Tótenshe jaǵdaıdan keıin arheologtar Saraıshyq tarıhı mekeninde qazba jumystaryn júrgizýdi qaıta bastady.
«Jaıyq jaǵasynda qazba jumystary júrip jatyr. Arheologııalyq jumystarǵa Halel Dosmuhamedov atyndaǵy Atyraý ýnıversıtetinen 18 stýdent, Batys Qazaqstan oblysy ýnıversıtetinen 22 stýdent, Saraıshyq mýzeıinen 3 arheolog qatysýda. Qazba jumystary shilde aıyna deıin jalǵasady», dedi Saraıshyq aýyldyq okrýginiń ákimi Janat Kenjeǵalıeva.