Búgin Qazaqstannyń birinshi, álemniń 4-raketkasy Elena Rybakınanyń týǵan kúni. Ol 25 jasqa toldy. Osyǵan oraı Memleket basshysy Qasym-Jomart Toqaev sportshyǵa quttyqtaý hatyn joldady, dep jazady Egemen.kz.
Quttyqtaý hatty Qazaqstan tennıs federasııasy jarııalady.
«Ýımbldondaǵy jáne basqa da bedeldi halyqaralyq jarysta tamasha jeńisterińizben qazaqstandyq tennıs tarıhy betterinen oıyp oryn aldyńyz.
Aldaǵy ýaqytta da jankúıerdi keremet oıynyńyzben jáne jańa jeńisterińizben qýantyp, dene shynyqtyrý men sportty damytýǵa jáne ilgeriletýge úles qosatynyńyzǵa senimdimin.
Sizge zor densaýlyq pen qut-bereke tileımin», delingen quttyqtaýda.