Joǵarǵy Sot Qyzylorda oblysynda moraldyq shyǵyndy óndirý boıynsha istiń qorytyndysyn jarııalady, dep jazady Egemen.kz.
Jergilikti turǵyn Qyzylorda qalalyq sotyna keltirilgen moraldyq shyǵynnyń ornyn toltyrý týraly oblystyq patologııalyq bıýroǵa talap qoıǵany belgili boldy.
Talap qoıýshynyń 4 aılyq qyzy 2023 jyly balalar aýrýhanasynyń jansaqtaý bóliminde qaıtys bolǵan.
Sol kúni perınataldyq ortalyqta taǵy bir áıeldiń sábıi óli týǵan. Balalardyń máıitteri máıithanaǵa jetkizilgen.
«Talap qoıýshyǵa máıitti berý týraly ótinish bergende, máıithana qyzmetkerleri onyń balasynyń máıiti qatelesip basqa ata-anaǵa berilgenin habarlaǵan. Sońǵysy muny bilmeı, talap qoıýshynyń sábıin jerlegen. Sodan keıin eksgýmasııa rásimi júrgizilip, qyzdyń denesi talap qoıýshyǵa berilgen. Mindetterin durys oryndamaǵany úshin máıithana qyzmetkerine tártiptik jaza – qatań sógis jarııalandy. Bıýronyń bas dárigeri qyzmetinen bosatyldy», delingen Joǵarǵy Sot habarlamasynda.
Sot atalǵan fakti medısınalyq mekeme qyzmetkerleriniń salǵyrttyǵynan bolǵanyn rastady.
Bul oqıǵa aryzdanýshyǵa moraldyq-psıhologııalyq azap pen emosıonaldyq kúızelis týǵyzdy. Osyǵan baılanysty sot talapty qanaǵattandyryp, moraldyq zııandy óteý retinde shaǵymdanýshynyń paıdasyna patologııalyq bıýrodan 1 mln teńge óndirdi.