15 maýsym kúni keshki ýaqytta QR IIM Ulttyq ulanynyń 5573 áskerı bóliminiń áskerı qyzmetshileri, atap aıtqanda áskerı jasaq bastyǵy qatardaǵy Álisher Mahmet pen patrýldeýshi qatardaǵy jaýyngerler Arsen Qazı men Rınat Dosshanov qyzmet atqarý kezinde sýǵa bata jazdaǵan oqýshyny qutqardy, dep habarlaıdy Egemen.kz QR IIM Ulttyq ulanynyń baspasóz qyzmetine silteme jasap.
Anyqtalǵandaı, Aqbulaq ózeniniń jaǵasynda júrgen qalalyq №63 mekteptiń 10 synyp oqýshysy ózenniń bergi betinen arǵy betke deıin júzip ótpek bolǵan. Saldarynan oqýshy sýdan óz betinshe shyǵa almaı qalǵan.
Osy ýaqytta áskerı bólimniń sarbazy qatardaǵy jaýynger Álisher Mahmet jaǵdaıdy jedel baǵamdap, kómektesý úshin birden sýǵa túsken. Aqyry 2008 jyly týǵan balany sýdan aman alyp shyqty.
«Sý ortasynda qalyp, kómekke shaqyrǵan jigitti kórip, dereý áreketke kóshtik. О́te mańyzdy sheshim qabyldadym. Jolda sheshinip, sýǵa batyp bara jatqan jasóspirimdi jaǵaǵa shyǵarý úshin sýǵa sekirdim. Keıin ótip bara jatqan adamdar shaqyrǵan jedel járdem qyzmetkerleri de keldi», dedi mektep oqýshysyn qutqaryp qalǵan jaýynger Álisher Mahmet.