19 maýsym kúni Taldyqorǵan qalasynyń «Jastar» sport kesheniniń mańynda qoǵamdyq tártipti qamtamasyz etý kezinde Ulttyq ulannyń áskerı qyzmetshilerine belgisiz azamatsha joǵalǵan balasyn tabýǵa kómek surap kelgen, dep habarlaıdy Egemen.kz.
Ulandyq sarbazdar azamatshadan qysqasha málimet alyp, áskerı jasaq kezekshisine baıandap, dereý izdeýge kirisken. Shuǵyl izdestirý is-sharalarynyń nátıjesinde áskerı jasaq kezekshisi kapıtan Daıyr Ábýkenov, áskerı jasaq bastyǵy qatardaǵy Áset Jańabaı jáne patrýldeýshi saqshylar Ramazan Serikbaı men Álıhan Amanjol joǵalǵan balany jarty saǵat ishinde tapqan.
«Anasynan joǵalǵan balaqaı týraly belgilerdi surap alǵannan keıin birden izdeýge kiristik. Keshki ýaqyt bolǵandyqtan kóshede adam kóp boldy. Jan-jaqty barlaý kezinde syrt kelbeti joǵalǵan balanyń kıimi, boıy, jasyna sáıkes keletin balany baıqap qaldyq. Naqtylanǵan soń, kómek suraǵan azamatshaǵa habarlasyp, balasyn tabystadyq», deıdi kapıtan D.Ábýkenov.
Balasymen qaýyshqan ana sarbazdarǵa alǵys bildirip, 5514 áskerı bólim komandıriniń atyna hat joldady.