Shymkentte jańadan ashylǵan «Tulip Hall» kongress-holynda Qala kúnine oraı merekelik konsert uıymdastyryldy. Oǵan ardagerler, zııaly qaýym ókilderi, qala turǵyndary men jastar qatysty. Saltanatty basqosýda ákim Ǵabıt Syzdyqbekov sóz sóılep, jınalǵan qaýymdy Qala kúni merekesimen quttyqtady.
«2200 jyldyq tarıhy bar qalamyz damý shejiresin altyn áriptermen jazyp keledi. Qalamyzdyń kelbeti jyldan-jylǵa ajarlanyp, ekonomıkasy órlep, halyqtyń ál-aýqaty artýda. Jańa ıdeıalar men josparlar, aýqymdy ınvestısııa mıllıondy qalanyń damýyna jańa serpin berip otyr. Igiliktiń barlyǵy – siz ben bizdiń ortaq eńbegimiz», dedi qala ákimi.
Shymkent qalalyq máslıhatynyń tóraǵasy Bahadyr Narymbetov konserttik keshte bir top azamatty «Shymkent qalasynyń qurmetti azamaty» ataǵymen marapattady. Atalǵan ataqqa ıe bolǵandardyń ishinde «Parasat», «Barys» ordenderiniń ıegeri Orynbaı Rahmanberdıev te bar. Ol kisi shyraıly shahardyń ótkeni týraly jyly esteligin aıtyp, qazirgi damý qarqynyna qatysty oılarymen bólisti.
«Menińshe, búginde qalada tamaq, toqyma ónimderin shyǵaratyn zaýyt-fabrıkalardy kóbeıtý kerek. Shymkent О́zbekstan astanasy Tashkentke tıip tur. Mine, sol alyp shahardyń da ınvestısııalyq múmkindigin paıdalanýymyz qajet. Birikken kásiporyndar quryp, básekelestik týdyrǵan taýarlardy shyǵaryp, ózderine satyp otyrsaq, nesi jaman? Qazir naryqtyq ekonomıkadamyz. Degenmen shatqaıaqtap turǵan kásiporyndardy aıaqqa turǵyzyp alý úshin jartylaı josparly ekonomıkaǵa kóshsek te jaman emes. Bul endi – meniń jeke kózqarasym», dedi O.Rahmanberdıev.
Aıta ketý kerek, qala kúniniń qarsańynda «Tulip Hall» ǵımaraty halyq ıgiligine berildi. Úshqabatty ǵımarattaǵy konsert zalynyń syı̆ymdylyǵy – 2066 oryn. Odan bólek 190 oryndyq konferensııa zaly bar.
ShYMKENT