Tótenshe jaǵdaılar qyzmetkerleri patrýldeý kezinde sýǵa batyp bara jatqan adamdy baıqap, tez arada jaǵaǵa shyǵaryp, alǵashqy medısınalyq kómek kórsetti, dep habarlaıdy Egemen.kz.
Oqıǵa Ýsolka ózeninde boldy. Aımaqtyq qutqarýshylardyń aıtýynsha, 35 jastaǵy er adam sýdaǵy ózin-ózi ustaý erejelerin saqtamaǵan, al mundaı jaǵdaı apatqa ákelýi múmkin. Qutqarý jasaǵynyń músheleri jaqyn jerde bolyp, er adamdy qutqaryp qaldy.
- TJD qyzmetkerleri barlyq azamattardy sýda júris-turys erejelerin saqtaýǵa shaqyrady. Beıtanys jáne jabdyqtalmaǵan jerlerde shomylýǵa bolmaıdy. Qaýipsizdik erejelerin saqtańyz. Balalardy sý aımaqtarynda qaraýsyz qaldyrmańyz, - dep habarlady Pavlodar oblysy TJD baspasóz qyzmeti.