Búgin Qasym-Jomart Toqaev otandyq BAQ salasy qyzmetkerlerimen júzdesip, kásibı merekesimen quttyqtady, dep jazady Egemen.kz.
Prezıdent óz sózinde Qazaqstannyń syrtqy saıasattaǵy ustanymyna toqtaldy.
«Syrtqy saıasat máselesine keler bolsaq, Qazaqstan kópjaqty yntymaqtastyqqa beıil. Sondaı-aq qazirgi halyqaralyq quqyqtyń negizi retinde BUU Jarǵysynyń saqtalýyn tabandy túrde jaqtaıdy. Syrtqy saıasatta biz ulttyq múddeni basty orynǵa qoıamyz. Barlyq daýly máseleni tıimdi mámile negizinde sheshýdi qoldaımyz.
Bıyl Qazaqstanda halyqaralyq sharalar kóp ótedi. Kelesi aptada Astanada Shanhaı yntymaqtastyq uıymynyń sammıti bolady. Muny keıingi birneshe jyl ishindegi joǵary deńgeıde ótetin asa mańyzdy halyqaralyq forýmdardyń biri desek, artyq aıtqandyq emes. Sammıtke dúnıejúzi halqynyń jartysyna jýyǵy turatyn memleketterdiń basshylary, sondaı-aq yqpaldy halyqaralyq uıymdardyń jetekshileri, sonyń ishinde BUU Bas hatshysy qatysady. Mundaı aýqymdy sharanyń ótkizilýi elimizdiń jahandyq arenadaǵy bedeliniń zor ekenin kórsetedi.
Elimiz bıyl ShYU-dan basqa taǵy bes halyqaralyq qurylymǵa tóraǵalyq etip otyr. Bul – qazaq dıplomatııasynyń tarıhynda buryn-sońdy bolmaǵan jetistik», dedi Qasym-Jomart Toqaev.