Qazaqstanda biryńǵaı ýaqyt beldeýi boıynsha jumys tobynyń ekinshi otyrysy ótpeıtin boldy. Munyń sebebin Saýda jáne ıntegrasııa mınıstrliginiń ókilderi túsindirdi, dep habarlaıdy Egemen.kz
Mınıstrliktiń habarlaýynsha, búginge josparlanǵan ýaqyt beldeýine qatysty ótinishti qaraý jónindegi jumys tobynyń ekinshi otyrysy avtordyń ótinishi boıynsha ótkizilmeıtin boldy.
«Aldaǵy otyrystyń kúni men ýaqyty týraly habarlama petısııa avtoryna osy jyldyń 25 maýsymynda, belgilengen kúnnen úsh jumys kúni buryn, elektrondyq poshtaǵa jáne WhatsApp messendjeri arqyly jiberildi. 26 maýsymda ótinish berýshiler jumys tobynyń otyrysyn keıinge aýystyrý týraly hat joldady. Osyǵan baılanysty 28 maýsymǵa josparlanǵan otyrys keıinge qaldyryldy. Kezekti otyrystyń ótetin kúni keıinirek jarııalanady», delingen habarlamada.
Eske sala keteıik, osy jyldyń 29 aqpanynan 1 naýryzǵa qaraǵan túni Qazaqstan biryńǵaı ýaqyt beldeýine kóshken edi.