ASTANA. 11 maýsym. Ońtústik Qazaqstan oblysy, Túrkistan qalalyq prokýratýrasy «Balańdy esińe al – alıment tóle!» atty aksııasyn ótkizdi. Bul týraly oblystyq prokýratýranyń baspasóz qyzmeti habarlady.
Aýmaqtyq sot oryndaýshylar bólimi-fılıalynda 2015 jyldyń 5 aıynda alıment óndirý týraly jalpy 1 687 atqarý qujattary tirkeldi. Onyń ishinde 48 qujatqa qatysty sheshim shyqsa, 1 639-y oryndalý ústinde.
Qala prokýratýrasymen aýmaqtyq sot oryndaýshylar bóliminde 6 tekseris júrgizilip, nátıjesimen 6 zań buzýshylyqtardy joıý týraly usynys engizildi. Sondaı-aq, 1 tártiptik is óndirisi qozǵalyp, 1 sot oryndaýshysy tártiptik jaýapkershilikke tartyldy.
Sonymen qatar, Túrkistan qalalyq prokýratýrasy uıymdastyrǵan «Balańdy esińe al – alıment tóle!» sharasy aıasynda arnaıy bılbordtarǵa alıment óndirý týraly bannerler ilindi. Odan bólek, alıment jóninde beınerolık túsirilip telearnadan kúnine 5 ret kórsetilýde.
Túrkistan qalasynda ornalasqan «Qýanysh» ortalyq bazaryndaǵy habarlandyrý taqtalaryna sot uıǵarymymen alıment tóleýden jaltaryp júrgen boryshkerlerdiń sýretteri ilinip, olardy izdeý sharalary júrgizilýde. Túrkistan aýmaqtyq sot oryndaýshylarymen 86 boryshkerge Qazaqstan Respýblıkasynan shyǵýyna ýaqytsha shekteýler qoıyldy.
Sondaı-aq, qala prokýratýrasy Túrkistan aýmaqtyq sot oryndaýshylar bólimine Túrkistan qalalyq sotyna Zańnyń 34-baby 1-bóliminiń 3-tarmaǵyna sáıkes alımentter óndirip alý týraly atqarýshylyq qujattar boıynsha bereshek jınalyp qalǵan jaǵdaıda boryshkerge lısenzııalar, ruqsattar jáne arnaıy quqyqtar berýge ýaqytsha tyıym salý týraly usynys joldanyp, Túrkistan qalalyq sotynyń uıǵarymymen qalalyq salyq basqarmasyna, Túrkistan qalalyq ádilet basqarmasyna, Túrkistan aýdanaralyq emtıhan qabyldaý jáne tirkeý jumysy bólimine jáne basqa da tıisti mekemelerge joldandy.
Alıment tóleýden jaltaryp júrgen boryshkerge qatysty qala prokýratýrasynyń bastamasymen beınerolık túsirilip, jergilikti telearnadan kórsetildi. Budan bólek, alıment óndirý maqsatynda reıdttik sharalar júrgizilip, nátıjesinde 2 boryshker Ákimshilik quqyq buzýshylyq týraly kodekstiń 669-baby boıynsha ákimshilik jaýapkershilikke tartyldy.
Talǵat Raıymbek.
Derek: Ońtústik Qazaqstan oblystyq prokýratýranyń baspasóz qyzmeti.
Sýret: oko.prokuror.kz.