Pavlodarda polıseımen tóbelesken zapastaǵy eks-polkovnık eki jylǵa bas bostandyǵynan aıyryldy. Sot otyrysynda prokýror zardap shekken tártip saqshysynyń jambas aımaǵynan jaraqat alǵanyn málimdedi, dep habarlaıdy Egemen.kz irbistv.kz saıtyna silteme jasap.
Eske sala keteıik, Nurlan О́telbaev 2023 jyldyń mamyr aıynda mas kúıinde kólik júrgizgeni úshin ustalǵan bolatyn.
Aıyptalýshynyń aıtýynsha, 2023 jyldyń 8 mamyryna qaraǵan túni ustalǵan kezde polısııaǵa qarsylyq kórsetpegen. Ol tek qyzmetkerlerdiń zań boıynsha jumys isteýin talap etken. Al jaýap retinde onyń kózine gaz spreıi shashylǵan.
Aıta keterligi, Nurlan О́telbaevtyń ózi burynǵy polısııa qyzmetkeri. Oqıǵadan keıin ol dárigerlerge júgingen. Er adamǵa qarsy agressııa faktisi boıynsha qylmystyq is qozǵalǵan. Prokýror sot otyrysynda jábirlenýshi jambas aımaǵynan jaraqat alǵanyn kórsetken. Eki aıǵa sozylǵan sot otyrysynan keıin úkim shyqty.
«О́.-tyń jeke basy týraly málimetterdi eskere otyryp, buryn sottalmaǵan, asyraýynda balalary bar, onyń ishinde jas balasy, sondaı-aq qart anasy bar. Oǵan probasııalyq baqylaý belgilenip, 2 jyl merzimge bas bostandyǵyn shekteý jazasy taǵaıyndaldy», dedi Pavlodar oblystyq sotynyń baspasóz hatshysy A.Ibraeva.
Sot úkimi áli zańdy kúshine engen joq.