Búginge deıin 275 177 ótinim kelip tústi. О́tinimder 2024 jyldyń 31 tamyzyna deıin qabyldanady, dep habarlaıdy Egemen.kz Oqý-aǵartý mınıstrliginiń baspasóz qyzmetine silteme jasap.
Birinshi synypqa oqýshylardy qabyldaý boıynsha Aqmola, Almaty, Jetisý, Pavlodar oblystary 100 paıyz kórsetkishke qol jetkizgen. Aldyn ala boljam boıynsha, 2024 jyldyń 31 jeltoqsanyna deıin 6 jasqa tolatyn balalar sany 370 myńnan asady, osylaısha olardyń birinshi synypqa barýǵa tolyq múmkindigi bar.
«Azamattarǵa qolaıly bolý úshin qyzmet kórsetý tolyǵymen avtomattandyrylǵan. Ata-analar men balalardyń zańdy ókilderi óz ótinimderin egov.kz elektrondy portalynda, sondaı-aq jergilikti atqarýshy organdardyń aqparattyq júıeleri arqyly tapsyra alady», delingen mınıstrlik habarlamasynda.
Birinshi synypqa balalar 6 jastan bastap ata-anasynyń nemese balanyń zańdy ókiliniń ótinishi negizinde qabyldanady. О́tinimder demalys pen mereke kúnderinen basqa, dúısenbiden jumaǵa deıin qabyldanady.