Kanada elinde ósken qazaq jigiti Jandos Raıan Aqtaýǵa kelip, týǵan anasymen kezdesti, dep jazady Egemen.kz.
Sondaı-aq ol aǵa-baýyrlarymen de tanysty.
Informbıýronyń habarlaýynsha, kanadalyqtardyń qolynda ósken Jandos aqtaýlyq anasyn taýyp, baýyrlarymen kezdesti. Basqa elde ósken Jandosty 10 aılyǵynda Torontoda turatyn sheteldik otbasy asyryp alǵan. Olar er jetken uldarynyń qalaýyna qarsy shyqpaı, Qazaqstanǵa alyp kelgen. Ol 17 jyldan keıin ǵana óz týǵan jerine aıaq basty.
- Anam meni tastap ketse de oǵan esh ókpem joq ekenin aıtqym keledi. Ony jazǵyrmaımyn da. Taǵdyrdyń jazýy solaı shyǵar. Al Ata jurtym meni erekshe ystyq yqylasymen qarsy aldy. Jaılaýda bolyp, dombyra aspabymen tanystym. Halqym qonaqjaı eken, - dedi Jandos.
Kanadalyq ata-anasyn Qazaqstanǵa ertip kelgen jigit baýyrlarymen de tanysty. Sosyn sábıler úıine baryp, ózin baqqan tárbıeshilermen qaýyshty. Taǵdyrlas balalarmen uzaq ýaqyt oınap, kóz jasyna da erik berdi. Jandosty ósirgen kanadalyq otbasy balanyń qalaýyna qarsy shyqpaı, Mańǵystaý jerine kelgenderin aıtady.Ol týǵan anasyn kórgisi kele me joq pa ózi sheshedi dep keldik. Ulymyzdyń Torontoda qazaq dostary kóp. Olarmen jıi kezdesip, aralasyp turady. Sonda dostarynyń biri anasyn tabýǵa keńes bergen. Biz onyń nıetin qoldap, Aqtaýǵa alyp keldik, - dedi asyrap alǵan anasy Shanas Muhamed. Jandos týǵan jerine qonaq retinde jıi kelip turatynyn jetkizdi. Qazaqtyń qonaqjaılyǵyna rıza bolǵan jigit Toronto qalasyna qaıta ketedi.