Qarjylyq monıtorıng agenttigi Qostanaı oblysynda densaýlyq saqtaý obektilerin salý kezinde zańsyz syıaqy alý faktisi boıynsha sotqa deıingi tergep-tekserýdi bastady, dep habarlaıdy Egemen.kz.
«Avtorlyq qadaǵalaý tobynyń basshysy bopsalaý jolymen oryndalǵan jumystar aktilerine jáne paıdalanýǵa berý aktilerine kedergisiz qol qoıǵany úshin «Aýyldyq densaýlyq saqtaýdy jańǵyrtý» Ulttyq jobasy sheńberinde dárigerlik ambýlatorııalar salýdy júzege asyratyn kompanııanyń bas ınjenerinen 9 000 000 teńge mólsherinde zańsyz syıaqy alǵany anyqtaldy», delingen QMA habarlamasynda.
Kúdikti qolma-qol aqsha alyp jatqan jerinen ustaldy.
Zańsyz syıaqy mólsheri kórsetilgen obektilerdi salý qunynyń jalpy somasynyń 1%-yn quraıdy.
Qazir sotqa deıingi tergeý amaldary júrgizilip jatyr.