Aqtaýdaǵy demalys bazasy aýmaǵynda 2007 jyly týǵan jas jigit qaıtys boldy, dep habarlaıdy Egemen.kz.
Lada.kz naqtylaǵandaı, oqıǵa týraly aqparat áýeli áleýmettik jelide taraǵan. 17 jastaǵy jigit syrǵanaqtan sýǵa sekirgen, keıin oqıǵa ornyna jedel járdem qyzmetkerleri shaqyrylǵan.
«Biz bul jaǵdaı týraly naqty túsinikteme bere almaımyz, óıtkeni bala syrǵanaqtan qulaǵan joq. Bul oqıǵa «Tree of Life» aýmaǵynda bolǵan, biraq jigittiń jaǵdaıy nasharlap, ózin jaısyz sezingen. Ony jedel járdem brıgadasy alyp ketti», dep túsindirdi demalys ortalyǵynyń ókilderi.
Mańǵystaý oblystyq jedel jáne shuǵyl medısınalyq járdem stansııasynyń mamandar toby oqıǵa 8 shilde kúni bolǵanyn habarlady.
«Qońyraý saǵat 14:26-da kelip tústi. Jedel járdem kelgennen keıin balanyń qaıtys bolǵany rastaldy», delingen habarlamada.