Senattyń Qoǵamdyq jobalyq keńsesi, Maqsut Narikbayev University jáne Aqmola oblysy ákimdiginiń birlesken jumysynyń aıasynda qolǵa alynǵan BUU-nyń Ornyqty damý maqsattary jónindegi akseleratory óz qyzmetiniń aralyq nátıjelerin jarııalady. Sarapshylardyń zertteýleri talqylanǵan is-sharaǵa Palata tóraǵasy Máýlen Áshimbaev qatysty.
Otyrysty ashqan Máýlen Áshimbaev el Prezıdenti Qasym-Jomart Toqaev BUU-nyń Ornyqty damý maqsattary jónindegi sammıtinde ornyqty damý qaǵıdattary Qazaqstannyń negizgi ulttyq strategııalary men baǵdarlamalarynyń ózegine aınalǵanyn birneshe ret atap ótkenin atap ótti. Sondyqtan elimizde atalǵan maqsattarǵa qol jetkizýge basa mán berilip otyr. Memleket basshysynyń tapsyrmasymen 2023 jyly Ornyqty damý salasyndaǵy ulttyq maqsat-mindetterdiń iske asyrylýyna monıtorıng júrgizý jónindegi Parlamenttik komıssııa quryldy. Akseleratordyń qyzmeti osy maqsattarǵa qol jetkizýge yqpal etýdi kózdeıdi.
Akseleratordyń negizgi mindeti – memlekettik qurylymdardy, ǵalymdar men sarapshylardy jáne barlyq múddeli tarapty jumyldyra otyryp, ornyqty damý maqsattaryna qol jetkizýdiń jańa tásilderdi ázirleý. Is-shara barysynda sarapshylar komandalarynyń ókilderi jáne olardyń senator-kýratorlary eki aıda atqarylǵan jumysty qorytyndylady. Olar qoldaǵy nátıjelerge súıene otyryp, densaýlyq saqtaý, bilim berý, ekonomıkalyq ósý, qalalardyń turaqty damýy jáne basqa da salalar boıynsha táýekelder kartasy men tujyrymdamalyq usynystaryn usyndy.
«Prezıdent Qasym-Jomart Toqaev ornyqty damý maqsattaryna qol jetkizýge únemi úlken kóńil bólip, bul baǵytty ulttyq basymdyq retinde belgiledi. Osyǵan baılanysty Qazaqstan Parlamenti atalǵan maqsattarǵa qol jetkizý jolyndaǵy jumysqa belsendi qatysyp keledi. Bul iske Senattyń jobalyq keńsesi de qatysyp jatyr. Biz osy bastama barysynda atqarylǵan jumystyń aralyq qorytyndylaryn talqyladyq. Aıtarlyqtaı ilgerileý bar ekenin atap ótken jón. Osy ýaqyt ishinde ornyqty damý maqsattarynyń túrli baǵyty boıynsha arnaıy qurylǵan komandalar sarapshylarmen jáne tıisti mamandarmen birlesip, eseli eńbek etti. Búgingi kezdesýde Jobalyq keńse akseleratory mańyzdy jáne keleshegi zor alań ekenine kóz jetkizdik», dedi Senat spıkeri.
Sonymen qatar is-shara kezinde akseleratordyń negizgi maqsaty zańnamany jetildirýdiń áleýetti aımaqtary men ornyqty damý maqsattaryna qol jetkizýge kedergi keltiretin tosqaýyldardy anyqtaý ekeni aıtyldy. Osy baǵyttaǵy bastamalar Parlament Senatynyń aldaǵy qyzmetinde nazarǵa alynady.