Atyraýda ótip jatqan Teńiz, Qashaǵan, Qarashyǵanaqtyń munaı-gaz jabdyqtary men satyp alatyn taýarlary týraly munaı-gaz ınjınırınginiń forýmy men iri jobalardyń ashyq esik kúnderi ótip jatyr. Energetıka vıse-mınıstri Á.Jamaýov Memleket basshysy men Premer-mınıstrdiń jergilikti qamtýdy damytýǵa baǵyttalǵan birqatar naqty mindetti belgilegenin atap ótti.
Rettelip satyp alýda otandyq taýarlardyń, jumystar men kórsetiletin qyzmetterdiń úlesin ulǵaıtýǵa, jańa óndiristerdi qurýǵa jáne jumys istep turǵandaryn jańǵyrtýǵa, onyń ishinde neǵurlym talap etiletin ónim shyǵarýdy oqshaýlaýǵa, sondaı-aq jergilikti ınjenerler men jobalaý kompanııalaryn mindetti túrde tarta otyryp, jobalaý dızaın-keńselerin elge kóshirýge erekshe nazar aýdarylady.
Is-sharaǵa 130-ǵa jýyq zaýyt jáne jumystardy (qyzmetterdi) jetkizýshiler, munaı-gaz sektorynyń jer qoınaýyn paıdalanýshylary jáne qoǵamdyq birlestikterdiń ókilderi qatysty. Buǵan deıin Energetıka mınıstrligi júrgizgen jumystyń nátıjeleri boıynsha osy jyldyń mamyr aıynda iri munaı-gaz jobalarynyń jer qoınaýyn paıdalanýshylary men osy jobalar úshin satyp alynatyn munaı-gaz jabdyqtary men taýarlary boıynsha jalpy somasy 240 mln dollardy quraıtyn otandyq óndirýshiler arasynda kelisimsharttarǵa qol qoıylǵanyn atap ótken jón.