«Qarasora» respýblıkalyq jedel-profılaktıkalyq is-sharasy aıasynda polıseıler el aýmaǵynda esirtkige qatysty 523 quqyq buzýshylyqty anyqtady. Zańsyz aınalymnan 13 tonnaǵa jýyq esirtki tárkilendi, dep habarlaıdy Egemen.kz.
Polisia.kz málimetinshe Almaty oblysynyń aýmaǵynda qarasora ósirý faktisi anyqtalǵan. Tárkilengen esirtkiniń jalpy salmaǵy 12 tonnadan asady. Aqtóbe oblysynda zerthanalyq jaǵdaıda jasyryn esirtki óndirisin uıymdastyrǵan jergilikti turǵynnan 3 keliden astam mefedron tárkilengen.
Qyzylorda oblysynda avıasııalyq tekserý arqyly esirtkini zańsyz ósirý faktisi anyqtaldy. Eki esirtki satýshy anyqtalyp, olardan jarty tonnadan astam marıhýana tárkilendi. Jambyl oblysy Rysqulov aýdanynan 130 shaqyrym jerde 56 keli marıhýana daıyndaǵan azamat ustaldy.
Astana turǵynynyń páterin tintý kezinde 1,5 keliden astam mefedron tabyldy. Temirtaýda 22 jastaǵy esirtki taratýshy ustalyp, odan 350 gramm doza bolatyn 300 oram mefedron tárkilendi.
Barlyq faktiler boıynsha sotqa deıingi is júrgizý bastaldy. Joǵaryda kórsetilgen qylmystar úshin múlki tárkilenip, 5 jyldan 15 jylǵa deıin bas bostandyǵynan aıyrý túrindegi jaza kózdeledi.