Elimizde sý sharýashylyǵy jáne ırrıgasııa ýnıversıteti ashylady. Úkimet basshysy Oljas Bektenov tıisti qaýlyǵa qol qoıdy, dep jazady Egemen.kz.
Taraz qalasynda jańadan qurylǵan sý sharýashylyǵy jáne ırrıgasııa ýnıversıteti óz jumysyn bastaıdy.
«Atalǵan mindetti iske asyrý sheńberinde Úkimet «M.H. Dýlatı atyndaǵy Taraz óńirlik ýnıversıteti» kommersııalyq emes aksıonerlik qoǵamyn qaıta qurý jáne onyń negizinde eki JOO — «M.H. Dýlatı atyndaǵy Taraz ýnıversıteti» kommersııalyq emes aksıonerlik qoǵamyn («TarÝ» KeAQ) jáne «Qazaq ulttyq sý sharýashylyǵy jáne ırrıgasııa ýnıversıteti» kommersııalyq emes aksıonerlik qoǵamyn («QazUSShIÝ» KeAQ) qurý týraly sheshim qabyldady. Oqý oryndary olardyń jarǵylyq kapıtaldaryna memlekettiń júz paıyz qatysýy arqyly quryldy», delingen Úkimet habarlamasynda.
JOO 2024 jyldyń 1 qyrkúıeginen bastap talapkerlerdi qabyldaıdy dep josparlanyp otyr.
QazUSShIÝ-da «Sý sharýashylyǵy jáne melıorasııa», «Geodezııa jáne kartografııa», «Sý sharýashylyǵyndaǵy gıdrotehnıkalyq qurylys», «Sýmen jabdyqtaýdyń ınjenerlik júıeleri», «Sý sharýashylyǵyndaǵy ınnovasııalyq tehnologııalar» atty jańa bilim berý baǵdarlamalary engiziledi.
Atalǵan ýnıversıtetke 2024-2025 jyldarǵa 245 orynǵa arnalǵan memlekettik bilim berý tapsyrysynyń nysanaly kvotasy (bakalavrıatqa – 210, magıstratýraǵa – 20, doktorantýraǵa – 15) bólindi.
Bilim berý sıklindegi jalpy kontıngent sany 4 000 bilim alýshyny quraıdy.