Bilim mınıstriniń mindetin atqarýshy 2024 jylǵy 10 shildedegi buıryqpen 2024-2025 oqý jylynyń bastalý jáne aıaqtalý merzimderin, sondaı-aq orta bilim berý uıymdarynda bilim alýshylardy qorytyndy attestattaýdan ótkizý merzimderin aıqyndady, dep habarlaıdy Egemen.kz.
Menshik nysanyna jáne vedomstvolyq baǵynystylyǵyna qaramastan orta bilim berý uıymdarynda 2024-2025 oqý jylynyń bastalýy men aıaqtalýy kelesideı:
2024 jylǵy 1 qyrkúıek – 2025 jylǵy 25 mamyr aralyǵy.
1-11 (12) synyptarda oqý jyly ishinde toqsandardyń jáne demalystardyń uzaqtyǵy:
1-toqsan – 8 oqý aptasy, kúzgi demalys – kúntizbelik 7 kún (2024 jylǵy 28 qazannan bastap 3 qarashany qosa alǵanda);
2-toqsan – 8 oqý aptasy, qysqy demalys – kúntizbelik 10 kún (2024 jylǵy 30 jeltoqsannan bastap 2025 jylǵy 8 qańtardy qosa alǵanda);
3-toqsan – 10 oqý aptasy, kóktemgi demalys – kúntizbelik 11 kún (2025 jylǵy 21-31 naýryzdy qosa alǵanda);
1-synyptarda qosymsha demalys – kúntizbelik 7 kún (2025 jylǵy 10-16 aqpandy qosa alǵanda).
4-toqsan – 8 oqý aptasy.
Qorytyndy attestattaýdyń mynadaı merzimderi bekitilmek:
- 9 (10)-synyp oqýshylary úshin qorytyndy bitirý emtıhandary – 2025 jylǵy 29 mamyrdan bastap 9 maýsym aralyǵynda;
- 11 (12)-synyp oqýshylary úshin memlekettik bitirý emtıhandary – 2025 jylǵy 30 mamyrdan bastap 13 maýsym aralyǵynda.
Sondaı-aq qorytyndy attestattaýdy ótkizýdiń mynadaı merzimderi bekitiledi:
9 (10)-synyp oqýshylary úshin:
- matematıka (algebra) boıynsha jazbasha emtıhan – 2025 jylǵy 29 mamyr;
- qazaq tili/orys tili jáne uıǵyr/tájik/ózbek tilinde bilim beretin mektepter úshin ana tili (oqytý tili) boıynsha esse nysanynda jazbasha emtıhan, gýmanıtarlyq sıkl pánderin tereńdetip oqytatyn mektep bilim alýshylary úshin - jazbasha jumys (maqala, áńgime, esse) – 2025 jylǵy 2 maýsym;
- tańdaý páni boıynsha jazbasha emtıhan (fızıka, hımııa, bıologııa, geografııa, geometrııa, Qazaqstan tarıhy, dúnıejúzi tarıhy, ádebıet (oqytý tili boıynsha), shet tili (aǵylshyn/fransýz/nemis), ınformatıka) – 2025 jylǵy 5 maýsym;
- orys/ózbek/uıǵyr/tájik tilinde oqytatyn synyptarda qazaq tili men ádebıeti boıynsha jazbasha emtıhan jáne qazaq tilinde oqytatyn synyptarda orys tili men ádebıeti boıynsha jazbasha emtıhan – 2025 jylǵy 10 maýsym;
11 (12)-synyp oqýshylary úshin:
- Qazaqstan tarıhy boıynsha aýyzsha emtıhan – 2025 jylǵy 30 mamyr;
- algebra jáne analız bastamalary boıynsha jazbasha emtıhan – 2025 jylǵy 3 maýsym;
- qazaq tili/orys tili boıynsha jáne uıǵyr/tájik/ózbek tilinde bilim beretin mektepter/synyptar úshin ana tili (oqytý tili) boıynsha jazbasha emtıhan – 2025 jylǵy 6 maýsym;
- tańdaý páni boıynsha jazbasha emtıhan (fızıka, hımııa, bıologııa, geografııa, geometrııa, dúnıejúzilik tarıh, quqyq negizderi, ádebıet (oqytý tili boıynsha), shet tili (aǵylshyn/fransýz/nemis), ınformatıka) – 2025 jylǵy 12 maýsym;
- ózbek/uıǵyr/tájik/orys tilderinde oqytatyn mektepterde/synyptarda qazaq tili men ádebıetinen jáne qazaq tilinde oqytatyn mektepterde/synyptarda orys tili men ádebıetinen jazbasha emtıhan – 2025 jylǵy 13 maýsym.