Sheteldegi, Qazaqstan azamaty emes, biraq ulty qazaq talapkerler úshin Qazaqstan joǵarǵy oqý oryndaryna túsýge osy jyldan bastap jańa jeńildetilgen talaptar qabyldady, dep habarlaıdy Egemen.kz.
Birinshiden, Qazaqstan Respýblıkasynyń azamaty emes ulty qazaq adamdar úshin UBT tapsyrǵan kezde shektik ball bolmaıdy.
Ekinshiden, bes emtıhannyń ornyna úsh emtıhan tapsyrady (oqý saýattylyǵy jáne tańdaǵan baǵyt boıynsha eki beıindik pánnen).
Úshinshiden, tórt joǵarǵy oqý ornyn jáne bilim berý baǵdarlamasyn tańdaýǵa múmkindik saqtalyp qaldy.
Tórtinshiden, qazaq tilin tolyq meńgermen azamattarǵa orys tilinde tapsyrýǵa múmkindik saqtaldy.
- 13 shildeden bastap memlekettik bilim grantyn alýǵa qujattar qabyldaý bastaldy. Oǵan talapkerlerden 13-20 shilde aralyǵynda memlekettik bilim granttaryn taǵaıyndaý konkýrsyna qatysý úshin qujattar qabyldanyp jatyr. Sý tasqyny bolǵan aımaqtyń (Aqmola, Aqtóbe, Atyraý, BQO, Qostanaı, SQO) talapkerleri úshin 13-24 shilde aralyǵynda qabyldanady. Kez kelgen talapker Qazaqstannyń barlyq joǵary oqý ornyna qujattaryn tapsyra alady jáne ol onlaın túrinde de júzege asyrylýda. Memlekettik bilim berý granttaryn taǵaıyndaý QR Ǵylym jáne joǵary bilim mınıstrliginiń qurǵan komıssııasynyń sheshimimen belgili bolady – delingen habarlamada.
Osy rette, Qazaqstan Respýblıkasynyń azamaty emes, ulty qazaq úmitkerler qujattaryńyzdy grant ıegeri bolýǵa tapsyrýǵa asyǵyńyzdar. Nátıjeler respýblıkalyq merzimdi basylymdardyń betterinde jáne saıttarda 10 tamyzǵa deıin jarııalanady.