Bul týraly Týrızm jáne sport vıse-mınıstri Mıras Tólebaev Ortalyq kommýnıkasııalar qyzmetinde ótken brıfıngte málimdedi, dep habarlaıdy Egemen.kz.
Vıse-mınıstrdiń aıtýynsha, Qazaqstanda alǵash ret áleýmettik jelilerde (Instagram, TikTok) zańsyz lotereıalarǵa qarsy kúres jumystary júrip jatyr. Zańnamaǵa sáıkes lotereıalardy ótkizýge aıryqsha quqyq tek lotereıa operatory men onyń agentterine tıesili.
Zańsyz lotereıa uıymdastyrǵany úshin 400 myńnan 3,7 mıllıon teńgege deıin aıyppul qarastyrylǵan.
«Búgingi tańda 16 azamat 7 mln teńge kóleminde aıyppul túrinde ákimshilik jaýapkershilikke tartyldy», dedi Mıras Tólebaev.
Aıta keterligi, sottyń qaraýyna quqyq buzýshylyq týraly 30 hattama joldanǵan, sondaı-aq taǵy 35 fakt boıynsha tıisti materıaldar jınalyp jatyr.
Vıse-mınıstr Tólebaevtyń aıtýynsha, onlaın-kazınolar men zańsyz bás tigý saıttaryn uıymdastyrýshylardy anyqtaý jumystary da qarqyndy júrgizilip jatyr. Búgingi tańda osyndaı 15 resýrstyń úsh uıymdastyrýshysy anyqtalǵan. Is materıaldary Almaty qalasy Ekonomıkalyq tergeý departamentine jiberilgen.