Daǵystanda kvestte bolǵan qaıǵyly oqıǵadan soń qylmystyq is qozǵaldy. Qaza tapqan qyzdardyń biri 19 jasta, ekinshisi 25 jasta bolǵan, dep habarlaıdy Egemen.kz.
BAQ-ta taraǵan málimetter boıynsha 19 jastaǵy Asııat jáne onyń 20 jastaǵy jubaıy, 25 jastaǵy Madına esimdi qyz kvest-bólmege barǵan.
Kvest-bólmeniń qyzmetkerleri olardy oryndyqqa baılap, aǵash kesetin elektr aramen shoshytqan, kerosın quıyp ot jaǵyp qorqytqan. Oıynnyń maqsaty bólmeden shyǵý bolǵan. Degenmen, oıyn kezinde akterlerdiń biri arnaıy qolǵapty jaǵyp, ony benzın jáne kerosın jatqan jerge tastap jibergen. Osylaısha, bólmede órt shyqqan. Akter qashyp ketken. О́rt ishinde qalǵan úsheý oryndyqqa baılaýly kúıde qalǵan. Kómekke eshkim kelmegen.
19 jastaǵy Asııat qaza tapty. Onyń kúıeýi 20 jastaǵy Saıd jan saqtaý bóliminde jatyr, onyń denesiniń 50%-yn kúıik shalǵan. Ekinshi qyz, 25 jastaǵy Madına aýrýhanaǵa óte aýyr jaǵdaıda túsken, denesiniń 97%-y kúıgen. Ol aýrýhanada aýyr halde jatyp, jan tapsyrdy.
Kvest ıeleriniń biri Gýseın Ibragımov ustaldy.