BUU dúnıejúzindegi halyq sanynyń 2100 jylǵa qaraı ósý boljamyn usynǵan zertteý maqalasyn jarııalady, dep jazady Egemen.kz.
Qazir álemdegi halyq sany 8 mıllıardtan asty. Zertteýdegi boljam boıynsha 2084 jyly jer sharyndaǵy halyq sany 10,3 mıllıardqa jetedi. Al 2100 jylǵa qaraı bul kórsetkish 10, 2 mlrd bolyp, halyq sanynyń azaıý qubylysy baıqalýy múmkin.
Qyzyǵy, qazirgi ýaqytta halyq sany boıynsha kósh bastap turǵan Qytaı men Úndistanda tabıǵı ósim tómendeýi yqtımal. Atalǵan elderde ólim-jitim bir jyldaǵy týý kórsetkishinen 10,5 mln jáne 7,4 mln adamǵa asyp túsýi boljanyp otyr.
Kerisinshe, halyqtyń eń joǵarǵy tabıǵı ósimi 2100 jylǵa qaraı Kongo, Tanzanııa, Efıopııa jáne Pákistanda bolmaq.
Al Reseı, Germanııa, Ýkraınada boljaldy jyl shamasynda halyq sanynyń tómendeýi boljanyp otyr.
2100 jylǵa qaraı er men áıeldiń ómir súrý uzaqtyǵy týraly derekterdi Qazaqstan qoǵamdyq damý ınstıtýtynyń sarapshysy Marııa Jylqyshıevanyń «Álem qalaı ósip-ónbek» maqalasynan bile alasyzdar.