Qazaqstanda zeınetaqy jınaqtaryn alý erejesine ózgeris engizilýi múmkin. «Ashyq NQA» portalynda Densaýlyq saqtaý mınıstrligi ázirlegen buıryqtyń jobasy paıda boldy, dep habarlaıdy Egemen.kz.
Densaýlyq saqtaý mınıstrligi zeınetaqy jınaqtaryn paıdalaný erejelerinen medısınalyq qyzmettiń bir túrin alyp tastaýdy usynǵan.
«2024 jylǵy 10 tamyzdan bastap 2025 jylǵy 1 aqpanǵa deıin Qazaqstan Respýblıkasynyń aýmaǵynda ornalasqan medısınalyq uıymdarda kórsetiletin stomatologııalyq qyzmet kórsetý (tisti protezdeý, ımplantasııalaý) qaǵıdalarynyń 1-qosymshasynyń 2-tarmaǵynyń qoldanysyn toqtata turýdy buıyramyn», delingen habarlamada.
Osylaısha, jańartylǵan buıryq kúshine ense, onda 10 tamyzdan bastap el azamattary atalǵan stomatologııalyq qyzmetterge zeınetaqy jınaqtaryn jumsaı almaıdy.