Almatynyń Naýryzbaı batyr kóshesinde kók tústi jol belgisi paıda boldy, dep habarlaıdy Egemen.kz.
«Almaty parkıng» málimetinshe, kommýnaldyq mekemeniń aqyly turaq aımaǵy kók túspen tańbalanady.
Syzylǵan kók belgi kólik júrgizýshilerine turaq aımaǵyn tez anyqtaýǵa kómektespek.
Buryn aqyly avtoturaqtar 5, 10, 20 sandary bar sheńbermen beınelengen aqparattyq taqta túrinde kórsetilgen edi, dese de atalǵan belgiler aqyly turaq shekaralaryn naqty kórsete almaǵan.
Atalǵan kóshede paıda bolǵan kók tústi tańba odan ári barlyq kommýnaldyq aqyly avtoturaqta qoldanylmaq.
«Tyǵyz trafık kezinde jol belgisi baıqalmaýy múmkin, al kók tańba adam nazaryn aýdartady. Bul - qalalyq ınfraqurylymdy jaqsartý jáne turǵyndar men qonaqtar úshin jaılylyq deńgeıin arttyrý jónindegi baǵdarlamanyń bir bóligi. Kólik júrgizýshileri qazirdiń ózinde turaq aımaǵyn anyqtaý prosesin qarapaıym ári túsinikti etetin jańa júıeniń artyqshylyǵyn baǵalaı alady», delingen «Almaty parkıng» málimdemesinde.