Ǵylym jáne joǵary bilim mınıstri Saıasat Nurbektiń qatysýymen ǵylym jáne joǵary bilim salasy týraly onlaın brıfıng ótti. Onda sala basshysy mınıstrliktiń atqarǵan jumysy, ǵylymı ınfraqurylym men joǵary bilim berýdi damytý, sondaı-aq shetel joǵary oqý oryndarynyń elimizde ashylǵan fılıaly týraly áńgimeledi. Sonymen qatar joǵary sapaly zertteý men ázirleme júrgizýge múmkindik beretin ýnıversıtetter janyndaǵy zerthana men zertteý ortalyǵyn jańǵyrtýǵa basa nazar aýdarylǵanyn sóz etti.
Sonymen, elimizde shetel joǵary oqý oryndarynyń fılıalyn ashýdyń tórt negizgi qaǵıdaty belgilendi. S.Nurbek sheteldiń jetekshi joǵary oqý oryndarynyń fılıalyn ashý Memleket basshysynyń tapsyrmasy ekenin aıta kelip, bul Joǵary bilim men ǵylymdy damytýdyń 2023-2029 jyldarǵa arnalǵan tujyrymdamasy aıasynda iske asyp otyrǵanyn jetkizdi.
«Birinshiden, biz óńirlik ýnıversıtetterge basymdyq berip, elimizdiń bir aımaǵynda ǵana sheteldik fılıaldardyń shoǵyrlanýynan aýlaq bolamyz. Joǵary bilimdi ınternasıonaldandyrý elimizdiń barlyq salasyn qamtydy.
Ekinshiden, halyqaralyq yntymaqtastyq Qazaqstannyń barlyq negizgi seriktesin qamtıdy. Qazir elimizde AQSh, Ulybrıtanııa, Germanııa, Reseıdiń joǵary oqý oryndarynyń fılıaly jumys isteıdi. Endi Túrkııa, Qytaı, Ońtústik Koreıa, О́zbekstan ýnıversıtetiniń fılıaly ashylady.Úshinshiden, bizdiń halyqaralyq bilim berý yntymaqtastyǵymyz el ekonomıkasynyń naqty qajettiligin qanaǵattandyrýǵa baǵyttalǵan. Sheteldik ýnıversıtet fılıaldarynyń oqý baǵdarlamasynyń 95 paıyzy tehnıkalyq baǵytqa ıe bolyp otyr. Tórtinshiden, akademııalyq jáne ǵylymı utqyrlyqty yntalandyrý – halyqaralyq yntymaqtastyqtyń basty basymdyǵynyń biri», dedi ol.
Byltyr elimizdegi 74 joǵary oqý orny akademııalyq utqyrlyq baǵdarlamasyn júzege asyryp, oǵan 2 myńnan asa otandyq stýdent qatysty. Bıyl 328 otandyq jas ǵalym AQSh, Ulybrıtanııa, Germanııa, Túrkııa, Reseı, Fransııa jáne taǵy basqa elderdegi bedeldi zertteý ortalyqtarynda ǵylymı taǵylymdamadan ótedi.
Sondaı-aq Saıasat Nurbek Ǵylym jáne joǵary bilim mınıstrligi qurylǵannan beri elimizdi óńirdegi balamaly bilim berý jáne zertteý haby retinde ornalastyrý mindeti qoıylǵanyn aıtty. Ásirese joǵary bilimdi sýbsıdııalaý salasynan salyqty, jańa jumys ornyn qurý, ýnıversıtet ǵylymyn damytý jáne jeke ınvestısııalardy tartý sekildi ekonomıkanyń negizgi sektoryna aınaldyrý mańyzdy. Mınıstrlik shetel fılıaldarynyń kómegimen óńirlik joǵary oqý oryndaryn halyqaralyq zertteý ýnıversıtetine aınaldyrýǵa maqsat tutyp otyrǵanyn atap ótti.