QR Ekologııa jáne tabıǵı resýrstar mınıstri Erlan Nysanbaev Úkimette ótken baspasóz máslıhatynda Býrabaıdaǵy Jumbaqtas jartasyna shyǵýǵa tyıym salý týraly usynysqa túsinikteme berdi, dep habarlaıdy Egemen.kz.
«Bul aqylǵa qonymdy usynys. Búginde jartasqa barýǵa jáne onda júzýge tyıym salynbaıdy. Biraq tas músinderdi boıaýǵa tyıym salynady. Degenmen, men bul faktilerdiń (vandalızm aktileri) kóbeıýine baılanysty durys usynys dep sanaımyn. Bul jartasqa barýǵa tyıym salý týraly sheshim qabyldaý qajet», dedi dedi Erlan Nysanbaev.
Aıta keteıik, 2024 jyldyń 6 maýsymynda Aqtaý turǵyny Nurken Tájibaı áleýmettik jelide Býrabaıdyń basty kórikti jeri – Jumbaqtas jartasy beınelengen vıdeo jarııalaǵan. Vıdeoda avtor Jumbaqtastyń sulýlyǵyna emes, syrtqy túrine mán berip, qaraýdy ótingen.
Rasynda da vıdeodan jartasqa jazylǵan túrli jazýlardy baıqaýǵa bolady.