Kúni keshe túrkistandyq tártip saqshylary Nexia kóliginiń júrgizýshisin toqtatqan. Azamattyń alıment pen aıyppul boıynsha 153 mln qaryzy bary anyqtaldy, dep habarlaıdy Egemen.kz.
Tártip saqshylarynyń dereginshe, júrgizýshiniń jol erejesin buzǵany úshin qaryzy 700 myń teńgeni quraıdy.
Túrkistan oblysynyń PD habarlaýynsha, qaryzdyń basym bóligi aqyly jol erejesin buzý, jyldamdyqty arttyrý, kólikti belgilenbegen jerge qoıý jáne basqa da quqyq buzýshylyqtar boıynsha. Al, qalǵany balalaryna tólemegen alıment pen banktegi qaryzy ekeni belgili boldy. Budan soń turǵynnyń kóligi aıyp turaǵyna jóneltilgen.
Aıta keteıik, polıseıler kólik júrgizýshisine qaryzdy ýaqtyly tóleý qajettigi týraly túsindirý jumystaryn júrgizgen.