Almaty-Qonaev tasjolynda eki kóliktiń soqtyǵysýy saldarynan eki jaıaý júrginshi qaza tapty, dep habarlaıdy Egemen.kz.
Almaty oblysynyń polısııa departamentiniń habarlaýynsha, «BMW» kóligin tizgindegen 20 jastaǵy boıjetken jaıaý júrginshini qaǵyp, «Mersedes» kóligimen soqtyǵysqan. Oqıǵa saldarynan taǵy bir jaıaý júrginshi zardap shekken.
«Jol-kólik oqıǵasy saldarynan eki jaıaý júrginshi oqıǵa ornynda qaıtys boldy. BMW júrgizýshisi dene jaraqatyn alyp, medısınalyq kómek kórsetý úshin aýrýhanaǵa jetkizildi. Oqıǵa faktisi boıynsha qylmystyq is qozǵaldy. Barlyq qajetti saraptamalyq tekserýler taǵaıyndaldy jáne oqıǵanyń barlyq mán - jaıyn anyqtaý úshin tergeý júrgizilýde», dep habarlady Almaty oblysy PD baspasóz qyzmeti.