Búgin boks básekelerinde erler quramasynan Nurbek Oralbaı, Sáken Bıbosynov sharshy alańǵa shyqsa, áıelder sapynan Karına Ibragımova baq synaıdy, dep jazady Egemen.kz.
Saǵat 20:22-de aldymen 80 kelide Nurbek Oralbaı rıngke kóteriledi. Onyń qarsylasy − ázerbaıjandyq Mýrad Allahverdıev. Jekpe-jekti «El arnadan» tikeleı efırde tamashalaýǵa bolady.
57 kelide Karına Ibragımova el namysyn qorǵaıdy. Otandasymyz 1/8 fınalda pýerto-rıkolyq Ashlııan Lozada Mottaǵa qarsy shyǵady. Karına Ibragımovanyń judyryqtasýyn «Habar» arnasy 23:32-de tikeleı efırde usynady.
Al 51 kelide Sáken Bıbosynov pen Hasanboı Dýsmatovtyń jekpe-jegi 00: 20-da bastalady dep josparlanǵan. Qazaq-ózbek boksshylarynyń teketiresin «Habar» arnasy tikeleı efırde kórsetedi.