Bokstan Qazaqstan komandasynyń múshesi Sáken Bıbosynov Parıj Olımpıadasyndaǵy jeńilisten soń suhbat berdi. Bul týraly Egemen.kz agenttigi Olympic.kz-ke silteme jasap habarlaıdy.
«О́kinishke qaraı, basty qarsylasymnan jeńilip qaldym. Osy oıyndarǵa altyn úshin kelip edim. Biraq qola júlde de buıyrmady.
Sharshy alańda barymdy saldym. Biraq tóreshi qolymdy kótergen joq. Tóreshilikke qatysty eshteńe aıta almaımyn. Men tek rıng ishindegi jekpe-jekke jaýap beremin.
Qazaq eliniń namysyn abyroımen qorǵaı almadym. Qatelikter ketti. Endi osy kemshiliktermen jumys isteımiz», - deıdi Bıbosynov.
Aıta keteıik, Sáken Bıbosynov Parıj Olımpıadasynyń shırek fınalynda ózbekstandyq Hasanbaı Dosmatovtan jeńilip qaldy.