2024 jylǵy I toqsan qorytyndysy boıynsha Qazaqstanda jumyspen qamtylǵan halyqtyń jalpy sany — 9 167,3 myń adam, dep habarlaıdy Egemen.kz stat.gov.kz-ke silteme jasap.
Onyń 51,9% erler bolsa, 48,1% — áıelder.
Jas sanattary boıynsha jumysshylardyń eń kóbi 35-44 jas tobyna tıesili — 2,5 mln astam adam.
Odan keıin 29-34 jas aralyǵyndaǵy qyzmetkerler, olardyń sany 1,8 mln asady.
Qyzmetkerlerdiń jalpy sanynyń 44%-nyń joǵary jáne joǵary oqý ornynan keıingi bilimi bar, taǵy 50%-nyń tehnıkalyq nemese kásiptik bilimi bar.
Jumyspen qamtylǵan halyqtyń jalpy sanynyń 76,2% jaldamaly jumysshy bolsa, 23,8% — ózin-ózi jumyspen qamtyǵandar.
Jaldamaly jumysshylardyń eń kóbi Almaty qalasynda baıqaldy, olardyń sany 954,3 myńǵa jetedi.
Al ózin-ózi jumyspen qamtyǵandar arasynda óńirler bólinisindegi eń joǵary kórsetkish Túrkistan oblysynda — 374,5 myń adam (ózin-ózi jumyspen qamtyǵandar sanynyń 17,1%).
Sonymen qatar 51,6 myń adam qashyqtan jumys isteıdi.
452,7 myń adam jumyssyz retinde tirkelgen.
Jumyspen qamtý deńgeıi — 95,3 paıyz.