Atyraý oblysynda munaı kompanııasyna 13 mıllıard teńgeden astam aıyppul salyndy, dep habarlaıdy Egemen.kz oblys prokýratýrasyna silteme jasap.
«Kaspıı munaı» AQ ken ornyn burǵylaý jáne paıdalaný nátıjesinde 2021-2022 jyldary paıda bolǵan 4500 tonnadan astam qaýipti qaldyqtardy jınaqtaý lımıtin almaǵany anyqtaldy.
«Prokýrordyń usynysyn qaraý nátıjesinde Atyraý oblystyq sotynyń sot alqasynyń 2 shildedegi qaýlysymen «Kaspıı munaı» AQ Ákimshilik quqyq buzýshylyq týraly kodekstiń 328 - baby boıynsha 13 684 868 730 teńge kóleminde aıyppul salýmen ákimshilik jaýapkershilikke tartyldy», delingen habarlamada.
Nátıjesinde bıýdjetke ákimshilik aıyppul óndirildi, memlekettiń ulttyq qory 13 684 868 730 teńgege tolyqtyryldy.