«Jekpe-jek» federasııasynyń prezıdentine qatysty úkim jarııalandy. Bul týraly Jemqorlyqqa qarsy is-qımyl agenttiginiń resmı ókili Danııar Bıǵaıdarov aıtty, dep habarlaıdy Egemen.kz.
Spıker Astana qalasynyń qylmystyq ister jónindegi aýdanaralyq sotynda «Jekpe-jek» ÚEU federasııasynyń prezıdenti E.Álimbetovke qatysty úkim jarııalanǵanyn aıtty.
«Ol 2021 jyly Almaty qalasynda ótken «Jekpe-jek» sport túrinen álem chempıonatynyń hattamalaryn qoldan jasaǵany úshin kináli dep tanyldy. Oǵan 3 692 000 teńge aıyppul túrinde jaza taǵaıyndaldy. Jalǵan qujattardy paıdalana otyryp, Álimbetov sportqa qatysy joq adamdarǵa «halyqaralyq dárejedegi sport sheberi» jáne «Qazaqstan Respýblıkasynyń eńbek sińirgen jattyqtyrýshysy» sporttyq ataqtaryn berýge ótinim berdi», dedi spıker.
Onyń aıtýynsha, sot úkimi zańdy kúshine endi.