Búgin jergilikti ýaqytpen tańerteńgilik saǵat 10:00 shamasynda «Shymkent-Samara» tasjolynyń boıynda Hromtaý qalasynyń janynda jol-kólik oqıǵasy bolyp, 8 adam qaıtys boldy. Onyń úsheýi - eresek adam jáne beseýi - bala, dep jazady Egemen.kz.
Olar Mańǵystaý oblysynda jeke qaıyrymdylyq qory uıymdastyrǵan balalar arasyndaǵy fýtbol týrnırine bara jatqan Áıteke bı aýdany Qarashataý eldi mekeniniń turǵyndary. Olar tańerteńgilik saǵat 8:00 shamasynda «Toıota- ıpsým» kóligimen shyǵyp, Hromtaý qalasynyń janynda qarama-qarsy kele jatqan aýyr júk kóligine soqtyǵysqan.
Aqtóbe oblystyq polısııa departamentiniń málimetine qaraǵanda, balalar mingen kólikti jolda tasymaldaý jóninde málimet túspegen. Qaıtys bolǵandardyń arasynda bir úıdiń eki balasy men olardyń ákesi bar. Qylmystyq Kodekstiń 341-baby boıynsha qylmystyq is qozǵaldy.