Almaty jáne Shymkent qalalarynda «Dıkıı Arman» jetekshilik etken qylmystyq toptyń 15 múshesi qolǵa tústi, dep habarlaıdy Egemen.kz.
«Bıyl tamyz aıynda Ulttyq qaýipsizdik komıteti Bas prokýratýramen birlesip, Almaty jáne Shymkent qalalarynda bir ýaqytta «Dıkıı Armannyń» uıymdasqan qylmystyq tobynyń 15 yqtımal múshesine qatysty ustaý jáne tintý sharalary júrgizildi. Toptyń jetekshisi men negizgi músheleri qamaýǵa alynǵanymen, onyń basqa músheleri bostandyqta zańsyz áreketterdi jasaýdy jalǵastyrǵan», dedi IIM uıymdasqan qylmysqa qarsy kúres departamentiniń basqarma bastyǵy Qýandyq Alpys.
40-tan astam tintý is-sharalary júrgizilip, atys, travmatıkalyq jáne sýyq qarý, sondaı-aq olardyń quqyqqa qaıshy qyzmetiniń ózge de zattaı dáleldemeleri tárkilendi. Barlyq kúdikti ýaqytsha ustaý ızolıatoryna qamaldy.
«Asa qaýipti qylmystyq toptardy, onyń ishinde qańtar oqıǵasy kezinde jappaı tártipsizdikke qatysqandardy ustaý boıynsha belsendi kezeń aıaqtaldy», dedi spıker.
Aıta keterligi, sońǵy 2 jylda 140-tan astam qylmystyq top qyzmeti toqtatyldy. Krımınalıtettiń 550-den astam ókili jaýapqa tartyldy.
Almaty qalalyq máslıhaty VII shaqyrylymynyń burynǵy depýtaty Qaırat Qudaıbergen 2022 jyldyń 22 sáýirinde ustaldy. «Dıkıı Arman» sol jyly 7 qańtarda arnaıy operasııa kezinde qolǵa tústi.