Serik Sálemov Jambyl oblysy ákiminiń orynbasary bolyp taǵaıyndaldy, dep habarlaıdy Egemen.kz.
«QR Prezıdent Ákimshiliginiń kelisimimen Jambyl oblysy ákiminiń orynbasary laýazymyna Serik Jaqsylyquly Sálemov taǵaıyndaldy», delingen óńir ákimdiginiń baspasóz qyzmeti taratqan habarlamada.
Serik Sálemov 1972 jyly týǵan. Bilimi joǵary. Qazaq memlekettik sáýlet-qurylys akademııasyn, Q.A.Iаssaýı atyndaǵy Halyqaralyq qazaq-túrik ýnıversıtetin, QR Prezıdentiniń janyndaǵy Memlekettik basqarý akademııasyn («Jylýmen, gazben qamtamasyz etý, jeldetý, aýa basseıinin qorǵaý», «Quqyqtaný», «Memlekettik jáne jergilikti basqarý») bitirgen.
Ol ár jyldary «Saltanat» shaǵyn memlekettik kásiporynda teri ótkerýshi, «Aqbastaý» shaǵyn jeke kásiporynda qurylys ýchaskesiniń sheberi, «Saltanat» shaǵyn memlekettik kásiporynda dırektordyń orynbasary, Jambyl aýdany ákimi apparatynyń uıymdastyrý jáne kadr bóliminiń bas konsýltanty, bas mamany, Baızaq aýdany ákimi apparatynyń uıymdastyrý jáne kadr bóliminiń meńgerýshisi, Jambyl oblystyq máslıhat apparatynyń bas mamany, uıymdastyrý jumystary bóliminiń meńgerýshisi, jetekshisi laýazymdaryn atqarǵan.