Búgin Shymkenttiń Saıram turǵyn alabynda №148 qoǵamdyq avtobýsta janjal týyndap, saldarynan bir adam qaza tapty, dep jazady Egemen.kz otyrar.kz-ke silteme jasap.
Shymkent qalasy Polısııa depatamenti baspasóz qyzmetiniń málimetinshe, avtobýs júrip bara jatqanda onyń júrgizýshisin masań kúıdegi jolaýshy soqqyǵa shyqqan. Sol sátte júrgizýshi tejegishti jedel basqanda, esik aldynda turǵan áıel qulap ketken. Áıel sol jaraqatynan jedel járdem jetkenshe kóz jumǵan.
«Jaraqat alǵan júrgizýshi aýrýhanada. Jalpy jolaýshylardyń qoǵamdyq kóliktegi qaýipsizdigin qamtamasyz etý maqsatynda, júrgizýshilerdi qolma-qol aqsha alýdan bosatý boıynsha qala ákiminiń qaýlysy ashyq normatıvtik quqyqtyq aktiler portalynda engizilip, talqylaýdan ótip jatyr. Odan bólek, júrgizýshilerdi jolaýshylardan oqshaýlaý áınegin tehnıkalyq reglamentke sáıkes ornatý pysyqtalýda», dedi Shymkent qalasynyń jolaýshylar kóligi jáne avtomobıl joldary basqarmasy basshysynyń orynbasary Sherzat Súttibaev.
Jergilikti polısııa kúdikti qamaýǵa alynyp, sot-medısınalyq saraptama taǵaıyndalǵanyn málimdedi.