Qostanaı oblysynda alaıaqtyq jasaǵan polıseı sottaldy. Aýyldyq polısııa qyzmetkeri óz atyna nesıe alǵan aýyldastaryn adastyrǵan. Polıseı bul aqshany bás tigýge jumsaǵan, dep habarlaıdy Egemen.kz.
Oqıǵa Qostanaı oblysynyń Denısovskıı aýdanynda boldy. Polısııa kapıtany 2022 jyldyń qazan aıynan 2023 jyldyń maýsym aıyna deıin aýyldastaryn túrli syltaýlarmen ekinshi deńgeıli bankterden nesıe alýǵa kóndirgen. Er adam bar aqshasyn lotereıa klýbyndaǵy stavkalar men oıyndarǵa jumsaǵan.
Keltirilgen shyǵyn kólemi 31 mıllıon teńgeden asady.
Sottalýshy óz kinásin moıyndap, jasaǵan qylmysyna ókinetinin atap ótti. Dese de, is boıynsha jábirlenýshilerdiń kópshiligi sottan ony bas bostandyǵynan aıyrmaýdy suraǵan.
Nátıjesinde sot ony 3 jyl 1 aı merzimge bas bostandyǵynan aıyrý jazasyn qylmystyq-atqarý júıesiniń qaýipsizdigi ortasha júıesinde óteýge úkim etti. Sonymen qatar sottalýshy qyzmetindegi dárejesinen aıyrylǵan.
Sot úkimi zańdy kúshine engen joq.