Abaı oblysynda bolǵan jantúrshigerlik apattan tórt adam qaza tapty. Jol apaty 15 tamyz kúni saǵat 15:20 shamasynda Omby-Maıqapshaǵaı tasjolynda boldy, dep habarlaıdy Egemen.kz obvk.kz saıtyna silteme jasap.
Eki Toyota Camry kóligi betpe-bet soqtyǵysty. Oqıǵa saldarynan tórt adam qaza taýyp, alty jolaýshy túrli dene jaraqattarymen emdeý mekemesine jetkizildi.
«Atalǵan fakti boıynsha kólik quraldaryn basqaratyn adamdardyń abaısyzda eki nemese odan da kóp adamnyń ólimine ákep soqqan jol qozǵalysy nemese kólik quraldaryn paıdalaný erejelerin buzýy boıynsha sotqa deıingi tergeý bastaldy. Qazirgi ýaqytta tıisti saraptamalar taǵaıyndaldy, sotqa deıingi tergep-tekserýdiń tolyqtyǵy men jan-jaqtylyǵyn qamtamasyz etýge baǵyttalǵan qajetti tergeý áreketteri júrgizilip jatyr, onyń qorytyndysy boıynsha zańdy prosessýaldyq sheshim qabyldanady», dep tolyqtyrdy vedomstvodan.
Tergeýdi Abaı aýdandyq IID basshylyǵy óz qolyna aldy.