Áskerde júrip, bas-mı jaraqatyn alǵan sarbaz Erbaıan Muhtar 6 aıdan beri komada jatyr. Búgin QR IIM Ulttyq ulanynyń baspasóz qyzmeti sarbazdyń densaýlyǵyna qatysty resmı málimdeme jasady, dep habarlaıdyEgemen.kz.
Ulttyq ulannyń habarlaýynsha, qatardaǵy Erbaıan Muhtardyń bas jaraqatyn alý faktisi boıynsha QR QK 440-baby 4-tarmaǵynyń 3-bóligine saı qylmystyq is qozǵalǵan. Bul jerde áskerı qyzmetshiler arasyndaǵy ózara qarym-qatynastardyń jarǵylyq erejelerin buza otyryp, densaýlyqqa aýyr zııan keltirgeni másele bolyp otyr.
«Qazirgi ýaqytta barlyq qajetti saraptamalar taǵaıyndaldy. Sotqa deıingi tergeý jalǵasyp jatyr. Tergeý barysy QR IIM ÁTD basshylyǵynyń baqylaýynda. Qatardaǵy jaýynger E.Muhtardyń ata-anasynyń talaby boıynsha ońaltý em-sharalary aıaqtalǵannan keıin úıine shyǵarylǵanyn habarlaımyz. Sonymen qatar, Densaýlyq saqtaý mınıstrliginiń emdeý mekemesi QR IIM Ulttyq ulanynyń áskerı-medısınalyq basqarmasymen birlesip oǵan múgedektikti resimdeý boıynsha kómek kórsetedi», - delingen resmı habarlamada.
Budan bólek, QR IIM Ulttyq ulanynyń Bas qolbasshylyǵy Reseı Federasııasynyń V. M. Behtereva atyndaǵy psıhıatrııa jáne nevrologııa Ulttyq medısınalyq zertteý ortalyǵyna, S. M. Kırov atyndaǵy Áskerı-medısınalyq Akademııasyna jáne Professor A. L. Polenov atyndaǵy Reseı ǵylymı-zertteý neırohırýrgııalyq ınstıtýtyna, sondaı-aq konsýltasııalyq kómek berý jáne aýrýhanaǵa jatqyzý máselesin qarastyrý úshin Túrkııa elshiligine hat joldaǵany belgili boldy.