1 tamyzdaǵy jaǵdaı boıynsha jergilikti atqarýshy organdardyń ruqsatymen Qazaqstan aýmaǵynda 13 835 shetel azamaty eńbek etedi. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady, dep jazady Egemen.kz.
Qazir Qazaqstanda sheteldik jumys kúshin paıdalanatyn 1 806 jumys berýshi bar. Olarda 428,3 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 96,8% - y.
Ekonomıkalyq qyzmet túrleri boıynsha eń kóp jumys isteıtinder qurylys salasynda – 4 825 adam, aýyl, orman jáne balyq sharýashylyǵynda – 1 895 adam, ákimshilik jáne kómekshi qyzmetterde – 1 577, taý-ken ónerkásibi jáne karerlerdi qazý salasynda – 1 377 adam, óńdeý ónerkásibinde – 1 351 adam.
Eńbek mıgranttary keletin negizgi elder: Qytaı – 4 248 adam, О́zbekstan – 1 956 adam, Túrkııa – 1 146 adam, Úndistan – 1 066 adam.
Ishki eńbek naryǵyn qorǵaý maqsatynda Eńbek jáne halyqty áleýmettik qorǵaý mınıstrligi jyl saıyn respýblıkaǵa shetel mamandaryn tartýǵa kvota bóledi. 2024 jyly jalpy kvota respýblıkadaǵy jumys kúshiniń sanyna qatysty 0,23% nemese 21,5 myń birlik mólsherinde belgilendi.