Almatydaǵy Júsipbek Elebekov atyndaǵy respýblıkalyq estrada-sırk óneri kolledjiniń stýdenti Álıhan Nurjaýov WCOPA2024 halyqaralyq óner baıqaýynda birden jeti júldege ıe boldy.
Gollıvýdta ótken baıqaýǵa álemniń túkpir-túkpirinen talantty oryndaýshylar qatysty. Álıhan «akterlik óner» jáne «modelıng» atalymdary boıynsha óner kórsetti. Onda ónerpaz úsh altyn jáne úsh kúmis medal jeńip aldy. Oǵan qosa kásibıligi men sheberligin rastaıtyn arnaıy orden tabystaldy.
Nátıjesinde, álemdik modelderdiń úshtigine engen Álıhan endi áıgili Versace jáne Gucci brendterimen kelisimshart jasasýdy josparlap otyr.
Álıhan Almaty qalasynda týǵan. Qazir Júsipbek Elebekov atyndaǵy respýblıkalyq estrada-sırk óneri kolledjinde teatr jáne kıno akteri mamandyǵyn meńgerip jatyr. Áli stýdent bolǵanyna qaramastan, jaqynda akter retinde debıýt jasap, reseılik serıalda basty róldi somdady.