15 qyrkúıekten bastap balalardy qashyqtan oqytýǵa jiberý jáne maskamen júrý rejımin engizý týraly habarlama – feık, dep habarlaıdy Egemen.kz.
Qazaqstandyq oqýshylardyń ata-analary chattar men áleýmettik jelilerde taraǵan habarǵa alańdap otyr. 15 qyrkúıekten bastap elimizde maska taǵý rejımi engizilip, oqýshylar qashyqtan oqýǵa jiberiledi eken. Bul – jalǵan, dep málimdedi Stopfake.kz.
Sanıtarlyq-epıdemıologııalyq baqylaý komıteti bul aqparatqa qatysty pikir bildirdi.
«Messendjerlerdegi 15 qyrkúıekten bastap balalar qashyqtan oqýǵa jiberiledi jáne mekemelerde maskamen júrý rejımi engiziledi degen málimet shyndyqqa janaspaıdy. Jyl saıyn epıdemııalogııalyq maýsym kezeńinde profılaktıkalyq jáne epıdemııaǵa qarsy is-sharalardy ótkizýdi kózdeıtin Bas memlekettik sanıtarııalyq dárigeriniń qaýlysy bekitiledi. Qaýlyǵa sáıkes, bıylǵy jyldyń 15 qyrkúıeginde tumaýǵa qarsy vaksınasııa júrgizý bastalady. Maska taǵý rejımi tek medısınalyq uıymdardyń qyzmetkerleri úshin engiziledi. Qaýlymen tolyǵyraq Sanıtarııalyq-epıdemıologııalyq baqylaý komıtetiniń saıtynda tanysýǵa bolady. Barlyq azamatty resmı aqparat kózderindegi senimdi maǵlumatqa ǵana senýge shaqyramyz», – deıdi Sanıtarlyq-epıdemıologııalyq baqylaý komıteti.