Reseıden shyqqan mıllıarder, Telegram jelisiniń negizin qalaýshy Pavel Dýrov Fransııada ustaldy. Bul jaıynda fransýz baspasózi habar taratty, dep jazady Egemen.kz.
BAQ málimetinshe, onyń janynda qurbysy jáne oqqaǵary bolǵan.
Pavel Dýrov Parıj mańyndaǵy Le-Býrje áýejaıynda ustalǵan. Fransııaǵa kásipker jeke bıznes-djetimen Ázerbaıjannan ushyp kelgen.
Buǵan deıin ol Fransııada izdeý jarııalanǵan adamdar tiziminde bolǵan.
- Quqyq qorǵaý organdary Telegram-da moderasııanyń joqtyǵy jáne jergilikti qyzmettermen yntymaqtasýǵa qulyqsyzdyq Dýrovty esirtki saýdasyna, balalarǵa qarsy qylmystarǵa jáne alaıaqtyq shemalarǵa sybaılas etedi dep sanaıdy, - dep habarlaıdy jergilikti TF1 telearnasy.
Vc.ru málimetinshe, osy jańalyqtan keıin mıllıarderge tıesili Toncoin krıptovalıýtasynyń quny 10% tómendep ketken.
Keıbir BAQ taǵylǵan aıyptar boıynsha ol 20 jylǵa deıin sottalýy múmkin degen boljam aıtyp otyr.
Pavel Dýrov — birneshe jyldan beri Fransııa azamaty. Degenmen sońǵy jyldary negizinen Birikken Arab Ámirlikterinde turyp keldi.