WEB-baspager Jánibek SÚLEEVPEN shaǵyn áńgime
– Qazaqstan Prezıdentin tańdap daýys berýdiń ótý barysy jaıynan habardar bolyp otyrǵan shyǵarsyz?
– Árıne. Kóńil aýdaratyn bir jaıt, saılaýǵa daıyndyq qandaı ekpinmen júrse, daýys berý de sondaı deńgeıde ótti. Daıyndyq barysynda eshqandaı da «qara PR»-ǵa jol berilmedi. Munyń ózi, eń birinshiden, elektorat mádenıetiniń burynǵy kezeńmen salystyrǵanda, edáýir óskenin baıqatady. Birqatar basylymdarda aıttym da.
– Baıqaýshylar belsendiligi qandaı boldy?
– Tańerteńnen beri Almaly men Bostandyq aýdandaryndaǵy birneshe saılaý ýchaskesine ózim úshin bas suqtym, baıqaǵanym, bári de oılaǵandaı, daýys berý men kútkendeı dárejede ótip jatty. Kelýshiler sany turaqty. Úzilis joq. Baıqaǵanym, baıqaýshylar tarapynan da áldeqandaı eskertýler aıtylmady. Menińshe baıqaýshylardyń Qazaqstandaǵy mundaı qalypty daýys berý tájirıbesinen bolashaqta úıreneri kóp bolatyny daýsyz.
– Bul saılaýdyń elimizde ótken buǵan deıingi saılaýlardan basty aıyrmashylyǵy nede dep oılaısyz?
– О́te jaqsy saýal... Bul saılaýdyń eń basty ereksheligi, tipti, artyqshylyǵy – munda osy zamanǵy tehnologııalar molynan paıdalanyldy. Men muny bóle-jara aıtar edim. Kádege asqan ınternet qýatynda shek bolmady.
Áńgimelesken
Talǵat SÚIINBAI,
«Egemen Qazaqstan».
ALMATY.