Astana turǵyny ózin jıhaz jasaýshy retinde tanystyryp, jıyrma adamnyń 8,4 mıllıon teńgesin jymqyryp ketken, dep habarlaıdy Egemen.kz elorda prokýratýrasyna silteme jasap.
Sot anyqtaǵandaı, Astana turǵyny jubaıynyń atynan jeke kásipkerlik ashyp, jıhaz qurastyrý úshin óndiristik úı-jaıdy jalǵa alǵan. Odan keıin «Instagram» áleýmettik jelisinde jıhaz daıyndaý týraly habarlandyrý beınerolıkterin jarııalaǵan.
«Kásipkerlik qyzmettiń kórinisin jasaı otyryp, tapsyrys berýshilerdiń úıine kelip, ózine tıesili emes basqa jumystardyń fotosýretterin kórsetip, jábirlenýshilerdi aldaǵan. Tıisti ólsheýler júrgize otyryp, jeke kásipker atynan shart jasasyp, jábirlenýshilerden tapsyrys somasynyń 70% mólsherinde aldyn-ala tólem alyp otyrǵan», delingen sot habarlamasynda.
Sottalýshy sotta óz kinásin moıyndamaǵan.
Sot ony birneshe ret alaıaqtyq jasaǵany úshin 4 jylǵa bas bostandyǵynan aıyrǵan. Sottalǵan azamattan jábirlenýshilerdiń paıdasyna materıaldyq shyǵyn óndirilgen.
Úkim zańdy kúshine endi.