Keshe palata Spıkeri Qabıbolla Jaqypovtyń tóraǵalyǵymen Májilis bıýrosy ótip, jalpy otyrystyń kún tártibi naqtylandy, dep habarlady Májilistiń baspasóz qyzmeti.
Depýtattar talqysyna tabysqa salynatyn salyqtarǵa qatysty qosarlanǵan salyq salýdy boldyrmaýǵa jáne salyq salýdan jaltarýǵa jol bermeýge qatysty qazaqstandyq-makedondyq úkimetaralyq kelisimdi ratıfıkasııalaý týraly zań jobasy usynylatyn boldy.
Sondaı-aq, kún tártibi jobasyna Keden odaǵyna múshe memleketter bolyp tabylmaıtyn, Táýelsiz Memleketter Dostastyǵyna qatysýshy memlekettermen ózara saýdadaǵy tehnıkalyq kedergilerdi joıý týraly Keden odaǵyna múshe memleketterdiń kelisimin ratıfıkasııalaýǵa baılanysty zań jobasy da engizilgen. Sonymen qatar, halyqaralyq áýe tasymaldarynyń keıbir qaǵıdalaryn birizdendirýge arnalǵan konvensııany ratıfıkasııalaýǵa qatysty qorytyndy ázirleý merzimin taǵaıyndaý jáne bitimgershilik qyzmet týraly zań jobasy boıynsha jumysty ilespeli túzetýlermen odan ári jalǵastyrýǵa baılanysty máseleler qamtylǵan.